Íslandsbréf fjárfestir í hlutabréfum sem skráð eru í Kauphöll Íslands og First North. Markmið sjóðsins er að skila hærri ávöxtun en OMX Iceland 15 CAP GI hlutabréfavísitalan.

Sjóðurinn hentar fyrir aðila sem vilja fjárfesta í dreifðu safni hlutabréfa og geta bundið eignirnar a.m.k. til þriggja ára, þar sem nokkrar sveiflur geta orðið á ávöxtun hans.

Ávöxtun

Eignaskipting

Fjárfestingarstefna

Íslandsbréf hefur heimild til að fjárfesta í hlutabréfum sem eru skráð í Kauphöll Íslands og First North á Íslandi og afleiðum með þau skráðu hlutabréf. Að auki hefur sjóðurinn heimild til að fjárfesta í innlánum og peningamarkaðsgerningum fjármálafyrirtækja sem gefin eru út í íslenskum krónum.

Fjárfestingaheimildir

Fjárfestingarheimildir sjóðsins takmarkast við sundurliðun fjárfestinga samkvæmt neðangreindri töflu með tilgreindum vikmörkum (lágmark og hámark) og ákvæði laga nr. 45/2020:

Sjóðnum er heimilt að hámarki að binda allt að 20% af eignum sínum í verðbréfum, sem útgefin eru af sama útgefanda. En þó er heimilt að binda allt að 35% í einum útgefanda.

Nánari upplýsingar um fjárfestingarheimildir er að finna í útboðslýsingu sjóðsins.

Nánari upplýsingar um sjóðinn

Áður en þú kaupir í sjóðnum hvetjum við þig til að kynna þér vel upplýsingar um hann.

• Upplýsingablað
• Lykilupplýsingar
• Útboðslýsing
• Reglur sjóðsins

Viðbótarupplýsingar

Sjóðstjóri

Valdimar Ármann

Fjárfestingastjóri

Valdimar hefur langa reynslu af fjármálamörkuðum og hóf störf árið 1999 hjá Búnaðarbankanum Verðbréf og starfaði hjá ABN AMRO Bank árin 2003-2009, fyrst í London í verðbólgutengdum afurðum en síðan í New York sem forstöðumaður verðbólgutengdra afurða í Bandaríkjunum. Valdimar starfaði síðan hjá GAMMA Capital Management frá árinu 2009, fyrst sem sjóðsstjóri og framkvæmdastjóri sjóða og síðar 2017-2019 sem forstjóri félagsins. Valdimar starfaði hjá Arctica Finance í markaðsviðskiptum og sem forstöðumaður eignastýringar frá árinu 2020 til 2023.

Valdimar er hagfræðingur frá Háskóla Íslands, með MSc-gráðu í fjármálaverkfræði frá ICMA Centre, University of Reading í Bretlandi og hefur lokið prófi í verðbréfaviðskiptum. Hann hefur ritað fjölda greina og tekið þátt í skýrslugerð og ráðstefnum ásamt því að hafa verið aðjúnkt í Háskóla Íslands 2014-2018 og kenndi þar námskeiðið Skuldabréf í mastersnámi.

valdimar [hjá] arcticasjodir.is+354 843 9005

Vanesa Hoti

Sjóðstjóri

Vanesa Hoti er sjóðstjóri hjá Arctica sjóðum.  Vanesa starfaði sem sérfræðingur í eignastýringu hjá Arctica Finance hf. frá árinu 2021 til 2022. Vanesa útskrifaðist með BSc-gráðu í viðskiptafræði með áherslu á fjármál frá Háskóla Íslands og hefur verðbréfaréttindi.

vanesa [hjá} arcticasjodir.is+354 772 4236

Almennur fyrirvari

Fjármálagerningar fela í sér mismunandi áhættu og er fjárfestum ráðlagt að kynna sér vel fjárfestingarstefnu, lykilupplýsingar og útboðslýsingu viðkomandi sjóðs áður en ákvörðun um fjárfestingu er tekin. Margvísleg atriði geta valdið verðlækkun á fjármálagerningum sem sjóður hefur heimild til að fjárfesta í og þar með á gengi hlutdeildarskírteina, s.s. ófyrirséðir atburðir og breytingar á efnahagsástandi, innanlands sem og erlendis. Þá kann gildandi löggjöf að vera breytt með þeim hætti að áhrif hafi á starfsemi viðkomandi sjóðs eða verðmæti fjárfestinga.
‍
Um áhættu tengda fjármálagerningumvísast að öðru leyti til umfjöllunar hér.